Маҳалламизда 20 мингдан ошиқ аҳолига хизмат кўрсатиб келаётган Косон тумани марказий поликлиникасига қарашли 1-сонли Бўлмас қишлоқ филиали мавжуд. Маскан номи билан ваҳимали кўринса-да, аслида бинодаги шароит ҳозирги ривожланиш даврини бошдан ўтказаётган буюк давлатимизнинг юксалишига тўсқинлик ишлари бўлаётганини яшириб бўлмайди.

Мен бу каби масалада жуда кўп ташкилот ва давлат органларига мурожаат қилдим. Фойдаси бўлмади. Наҳот, ҳеч бир мутасадди раҳбар шунча аҳоли яшайдиган маҳаллага тиббий хизмат сифати ва самарадорлиги ўта зарур экани билан қизиқмаса?

Туман тиббиёт бўлими бошлиғи О.Норбоев нега бу масканга ўгай кўз билан қарайди? Бинода биронта ҳам замон талаби даражасидаги тиббиёт ускунаси йўқ. На рентген, на УЗИ аппарати ва на бошқа шунга ўхшаш оддий жиҳозлар ҳам йўқ. Норбоев барча турдаги тиббиёт анжомларини ўзи ишлаб турган Туман марказий поликлиникаси ихтиёрига жойлаштирган. Бугунги кунга келиб, давлатимиз томонидан соғлиқни сақлаш ва таълим соҳасига энг кўп маблағ сарф қилинаётганини инобатга олсак, нега бизнинг маскан бунга номуносиб экан?сайтга02

Нега вазир Шодмонов ўзига бўйсунувчи Норбоевдек халқни икки кўзда кўрадиган кимсалар билан бугунги жамиятни қураяпти? Бу инсон ўзи лойиқми лавозимига, унга бутун туман саломатлигини ишониб топшириш тўғримикан? Нега, нега деган саволлар кўп. Фақат масаланинг туб моҳиятини жойига келиб ўргансагина ўз кўзи билан кўриш мумкин.

Аслида, келиб ўрганганларнинг кети узилмайди. Аммо бирор ижобий ечим йўқ. Халқнинг мурожаати ушбу масканни оилавий поликлиника қилиб берилишидир. Буни сўраб, мамлакатимизда нечта мурожат қабул қилувчи ташкилот бўлса, ҳаммасига хат ёздик. Яна шу самарасиз жавоблар...сайтга03

Соғлиқни сақлаш вазиридан яна бир бор илтимос қиламиз, бизнинг яшаш жойимиз ҳам Ўзбекистоннинг бир бўлаги. Биз ҳам яхши яшашимиз, соғлом ўғил-қизлар вояга етказишда сифатли ва самарали тиббиёт жиҳозларидан фойдалангимиз келади. Қанчадан-қанча ногиронлар, кексалар, ижтимоий муҳофазага муҳтож, кам таъминланган оилаларимиз бор. Ҳурматли Вазир Алишер Шодмонов! Шуларни инобатга олиб, йўл қўйилган камчиликларни ўзингиз назорат остига олсангиз!

Акрам ИСЛОМОВ,

Қашқадарё вилояти

Косон тумани

Бўлмас қишлоғи